Esperanto en (kaj ekster) Bruselo

PDF formo por Aktuala

Fri, 04 Dec 2009 00:24:07 +0100

Paŭlo, la nuna redaktoro de Aktuala,
metas ĝin sub formo PDF ĉitie
https://sites.google.com/site/ebgaktuala/

Programo EBG Majo Junio 2009

Sun, 03 May 2009 23:06:07 +0200

Esperantista Brusela Grupo.

Programo de la merkredaj kunvenoj.

Majo 2009.

     6   Marc Demonty pri temoj de la euro-moneroj el ĉiuj landoj
   13   Bernard-Regis Larue pri lastaj novaĵoj de la planedo Marso
   20   Hélène Falk-Bracke pri kvizoj
   27   Grupanoj aŭ ne, prelegontoj estas ege bonvenaj, bonvolu sin anonci.

Junio 2009.

    3   Semajna kunveno
10   Semajna kunveno
17   Semajna kunveno
24   Semajna kunveno lasta antaŭ grupa ferio dum Julio kaj Aŭgusto

Ĉe la fervojistoj
Centra stacidomo
unua kaj tria merkredoj de monato
14h - 15h45.

En la Kultura Centro de Dilbeek
(Kamerijklaan 1700)
kunvenas ĉiumonate konversacio-rondo,
je la sekvaj datoj :
sabatoj 30/05; 27/06,
de la 14a ĝis la 16a horo.
Ĉiuj estas bonvenaj.
Anonco de Emile Van Damme, eksa prezidanto de EBG.

Malferma tago en Centra Oficejo

Mon, 27 Apr 2009 15:03:28 +0200

La dudek kvinan de aprilo dumil naŭ,
Malferma Tago en la Centra Oficejo
en Roterdamo.

Jen belega desegnaĵo en la Ora Libro
en kiu ĉiu alveninto enskribas nomon kaj lokon.

Bedaŭrinde ne venis multaj homoj.
Neniam la konferencejo estis plenplena.

Anna Löwenstein parolis
- unue pri Rememoroj el la CO
kaj virina agado de UEA,
- due pri ŝia verkista aktivado.

Johan kaj Svetlana Derks parolis pri
Esperanto-projekto en Burundo, Afriko.

Divenu kiu multege fotis ?
Paŭlo, nia kara redaktoro de Aktuala,
la gazetareto de la Esperantista Brusela Grupo.

Kompreneble ĉeestintoj ne maltrafis
sidi, manĝi kaj ĉefe babili en kafejo
kie troviĝis senpagaj kafo, teo kaj kuketoj,
eĉ ĉifoje ovaj paskaj ĉokoladoj.

Kiel kutime, forestintoj malpravis.

Mi aĉetis la franclingvan tradukon de
la Zamenhof-strato.
Ĉefa flanko estas fotoj en ĝi.
Sed mi ne scias ĉu mi donacos
aŭ rekomendos ĝin.
Bedaŭrinde la eldonisto elektis
etajn literojn.
Do legado estas nekomforta.

BEF kunveno

Mon, 20 Apr 2009 09:31:26 +0200

Kunveno de Belga Esperanto Federacio
sekcio de Universala Esperanto Asocio
la 18an de aprilo 2009.

Vojaĝo al Krimeo kaj Aroma Jalto

Thu, 12 Mar 2009 08:30:03 +0100

Cliquez ici

Akademio de Esperanto.

Tue, 10 Mar 2009 08:00:06 +0100

Cliquez ici

La 16 reguloj de la Fundamento

Sun, 08 Mar 2009 00:30:04 +0100

Cliquez ici

Poemo de Mikaelo Bronŝtejn

Fri, 06 Mar 2009 16:00:08 +0100

En aktuala, marto 2009.

Cerbo estas nur senpensa farĉo

Cerbo estas nur senpensa farĉo.
Oksikodoj kreskas en la marĉo.
L'marĉo kuŝas ie en la foro.
Oksikokoj mankas - kapdoloro.
           Grizaj gruoj gurdas en malgajo.
           Boataro frapas kontraŭ kajo.
           Vento vunde foliaron levas;
           Pro l' ŝvelanta farĉ' kranio krevas.
Daŭras ia morna malmateno.
En fridujo - vintro kaj malpleno.
Mankas eĉ guteto da biero.
           Jam la kvina. Kokoj kokerikas.
           Cerbofarĉo malfunkcias, strikas.
           Kion, tamen, trinkis mi hieraŭ?

Miŝa Bronŝtejn, Tiĥvin, S.Petroburgo, Rusio.

Vortenigmoj

Thu, 05 Mar 2009 07:30:05 +0100

Cliquez ici

Falsaj amikoj

Tue, 03 Mar 2009 07:15:06 +0100

Cliquez ici

Soneto 66 Shakespeare

Sun, 01 Mar 2009 08:30:02 +0100

Cliquez ici

Novaj UEA-Ekzamenoj

Thu, 26 Feb 2009 12:00:08 +0100

Cliquez ici

EBG 25 februaro 2009

Wed, 25 Feb 2009 22:40:52 +0100

Pordo malfermita.
Mi salutas Françoise kaj lernantinon.
Mi fotas.

Ĉu botelo ? Ĉu festo ?
Tute ne, ili respondas. Estas kutimo.
Ĉu serĉo ? Neniu respondo
sed Barbara invitas resti por trinki kune.
Bela foto.
Françoise demandas al Barbara :
« Kio estas tio ? »
Barbara bonege respondas : « tio estas korko ».
Ĉio estas okazo por paroli.
Françoise estas bona gvidantino.

Aliaj esperantistoj pasas... haltas... trinkas.
Poste venis Georgia serĉante vortaron.
Tiel Georgia, nia prelegonto de la vespero,
komprenis kie estis la aŭskultontaro.
Ankaŭ Georgia trinkis kvankam ŝi dubis
ĉu estas bona ideo antaŭ paroli.

Georgia prelegis pri Chopin.

Po - Ekde - kompensi - rekompensi

Tue, 24 Feb 2009 07:45:11 +0100

En aktuala, marto 2009.

http://akademio-de-esperanto.org/

Akademiaj Rekomendoj
En Oficiala Bulteno de la Akademio de Esperanto - No. 10

1.
La Akademio de Esperanto malkonsilas la uzadon de la prepozicio "po", por esprimi la rilaton indikitan per la frakci-streko en esprimoj kiel 30 km/h kaj similaj, kiel rektan eraron kontraŭ la ĝusta signifo de tiu prepozicio, difinita de Zamenhof en unu "Lingva Respondo".

Manke de specifa prepozicio por tia uzado,
la Akademio lasas liberecon al fakuloj
elekti inter la prepozicioj "en", "je", "por" aŭ "sur" laŭ la cirkonstancoj,
aŭ uzi adverban formon, kiel "30 kilometroj(n) hore".

2.a)
Oni skribu "ekde" aŭ "eke de", sed ne "~~ek de~~" per du vortoj, ĉar "ek" estas tie uzata prefikse aŭ adverbe, sed ne kiel interjekcio.

2.b)
Oni ne uzu "~~dankema~~", kiam ne temas pri konstanta emo al danko, sed pri la momenta manifestiĝo de danko pro konkreta servo oni simple uzu "danka".

2.c)
Oni ne konfuzu "rekompenci" kun "kompensi":
- "kompensi" signifas havigi (al iu) ion egalvaloran pro suferita perdo, malprofito aŭ farita peno;
- "rekompenci" signifas montri sian kontentecon pri ies meritoj per vortoj, faroj aŭ donacoj (kvankam la bona ago ofte rekompencas la farinton propramove per sano, feliĉo, kontenteco, interna paco); "rekompenci" estas preskaŭ ĉiam "malpuni".

Legu pri Akademia Vortaro kaj baza listo kun tradukoj en kelkaj lingvoj.

Ljudmila Novak en Eŭropa Parlamento

Sun, 22 Feb 2009 08:15:08 +0100

En aktuala, marto 2009.

www.edukado.net

Esperanton al Eŭropa Parlamento.

Ljudmila Novak proponis.

Membro de Eŭropa Parlamento Ljudmila Novak prezentis la 21-an de januaro 2009 al la Eŭropa Parlamento en Komitato por Kulturo sub la signo PE 416.668v01-00, kadre de debato pri la raporto/opinio pri multlingveco de Vasco Graca Moura, tri proponojn pri ŝanĝoj de artikolo 4:

Propono pri ŝanĝo:
4a. (nova) konstatas ke la principo de estimo de egalrajteco ne povas esti certigita dum oni uzas nacian lingvon (la anglan) kiel "lingua franca".

Propono pri ŝanĝo:
4b. (nova) proponas, ke konservante kaj uzante vivajn lingvojn, estimante lingvan diversecon kaj stimulante lernadon de diversaj lingvoj oni pristudu la eblecon kaj utilecon de enkonduko de komuna artefarita lingvo en EU, ekzemple Esperanto. Nur ĝi povus faciligi interkompreniĝadon en Eŭropo kaj kun loĝantoj de aliaj kontinentoj, ĉar ĝi estas simpla por lernado kaj uzo.

Propono de ŝanĝo:
4c. (nova) konstatas, ke la enkonduko de eŭro kiel komuna eŭropa monunuo, ege faciligis komercadon inter la ŝtatoj kaj helpis al ekonomia kresko kaj pli granda stabileco en EU. Similajn efektojn povus havi ankaŭ enkonduko de komuna komuniklingvo, kiu ja neniel forigus aŭ limigus uzon de naciaj kaj aliaj vivaj lingvoj uzataj en EU.

http://www.ljudmilanovak.org/
Musklaku sur ligo. Vi trovos dekstre ligon (pere de la angla) al teksto en Esperanto.
Legu ankaŭ en Libera folio, februaro 2008 pri ekspozicio.